Пойтахтимизда 13 сентябрь куни Ўзбекистон ва Қозоғистон тадбиркор аёллари бизнес-форуми ҳамда қўшма кооперацион биржа бўлиб ўтди.

Қозоғистон Республикаси Давлат котиби, Президент ҳузуридаги Аёллар ва оила-демографик сиёсат миллий комиссияси раиси Гулшара Абдукаликова бошчилигидаги делегация аъзолари Самарқанд шаҳрида бўлиб, бу ердаги муқаддас қадамжолар, тарихий обидаларни зиёрат қилишди.

Меҳмонлар Ўзбекистон Республикаси Бош вазири ўринбосари, хотин-қизлар қўмитаси раиси Танзила Норбоева ҳамроҳлигида Ислом Каримов мақбара-мажмуасини зиёрат қилиб, Биринчи Президентимиз хотирасига ҳурмат бажо келтирдилар.

Шундан сўнг қозоғистонлик ишбилармон аёллар Амир Темур мақбараси, Регистон майдони, Шоҳи Зинда мажмуаси, Хўжа Дониёр зиёратгоҳида бўлдилар.

Гулруҳ Мўминова.