Жомбой туманида ўқувчи-қизлар тарбияси, уларни соғлом турмушга тайёрлаш мавзуида йиғилиш ўтказилди.

Тадбирда Жомбой тумани ҳокими У.Назаров, туман ИИБ бошлиғи А.Ҳайдаров, Ўзбекистон ёшлар иттифоқи туман кенгаши аъзолари, ўқитувчилар, бошланғич ташкилот етакчилари, психологлар ҳамда маҳалла отинойилари қатнашди.

Унда юқори синф қизлари иштирокида давра суҳбатлари ўтказиш, учрашувларда эрта ва яқин қариндошлар ўртасидаги никоҳнинг салбий оқибатлари, одоб-ахлоқ, кийиниш маданияти, телефон ҳамда интернетдан тўғри фойдаланиш ҳақида тушунчалар бериш муҳим экани таъкидланди.

Ҳар бир мактабда айни шу вазифа билан шуғулланувчи 56 та ишчи гуруҳ ташкил қилинди. Уларнинг таркиби туман кенгаши сессиясида тасдиқланиб, зиммасига алоҳида масъулият юкланди.