Иштихон. Қорақўйли маҳалласида 75 ўринли мактабгача таълим муассасаси биноси фойдаланишга топширилди. 

Каттақўрғон. Туман марказининг янгиланган бош режасига кўра, Кадан қишлоқ хўжалик коллежи биносидан Пайшанба шаҳарчасигача бўлган масофада марказий кўчанинг ҳар иккала томонидан мавжуд эски уй-жойлар ўрнида замонавий кўп қаватли турар жойлар, маданий ва маиший хизмат кўрсатиш объектлари бунёд этилади.

***

Оқдарё. Даҳбет шаҳарчасида жойлашган 6-мактабгача таълим муассасасида амалий семинар бўлиб ўтди. Унда туманда жорий йил Жанубий Корея тажрибаси асосида 150 ўринга мўлжалланган хусусий боғча қурилиши лойиҳаси тақдимоти ўтказилди.

***

Самарқанд тумани. Қавчинон маҳалласида яшовчи ногиронлиги бўлган Шоира Меликовага туман фермерлар кенгаши томонидан янги тикув машинаси совға қилинди.

Ҳусан Элтоев.