Вилоят ҳокимлиги ҳамда Ўзбекистон Журналистлари ижодий уюшмаси вилоят бўлими ташаббуси билан Кексаларни эъзозлаш йилига бағишлаб фахрий журналистлар ўртасида шахмат-шашка мусобақаси ўтказилди.

Тадбирга таклиф қилинган фахрий журналистлар катта тажрибага, кўникмага эга. Уларнинг ҳаётий сабоқлари, маслаҳатлари ҳудудларда чоп этилаётган нашрлар учун, ўша даргоҳда бугунги кунда меҳнат қилаётган ёшлар учун ниҳоятда зарур.

Мусобақада қирққа яқин фахрий журналистлар беллашдилар. Беллашувни вилоят болалар ва ўсмирлар шахмат-шашка спорт мактаби директори, бош ҳакам Карим Эшниёзов баҳолаб борди.

Беллашув ғолиблари ташкилотчиларнинг эсдалик совғалари билан тақдирланди.

Тадбир бир пиёла чой устида давом этди.