Шу муносабат билан ўтказилган тадбирда Ички ишлар вазирлиги ёнғин хавфсизлиги бош бошқармаси бошлиғи С.Зупаров, вилоят ички ишлар бошқармаси бошлиғи Ф.Қувондиқов Президентимизнинг 2017 йил 23 майдаги "Ички ишлар органлари ёнғин хавфсизлиги бўлинмалари фаолиятини тубдан такомиллаштириш чора-тадбирлари тўғрисида"ги қарори асосида соҳа ходимлари фаолияти самарадорлигини ошириш, уларга қулай шарт-шароит яратишга алоҳида эътибор қаратилаётганлигини таъкидлади. 

– Бу ерда шахсий таркибнинг самарали хизмат олиб бориши учун барча қулайликлар яратилган, – дейди 6-ҲЁХҚ бошлиғи Э.Саидов. – Шинам ошхона, ётоқхона ва хизмат хоналари замонавий асбоб-ускуналар билан жиҳозланган. Содир бўлган ёнғинларни бартараф этишда ўзимизда ишлаб чиқарилган замонавий "MAN" ва "ISUZU" ўт ўчириш машиналаридан фойдаланилади.

Тадбирда бир гуруҳ ходимлар   медаль ва кўкрак нишонлари билан тақдирланди.

Маросимда вилоят ҳокимининг биринчи ўринбосари Ш.Худойбердиев иштирок этди.