"Ўзбекистон мустақиллигига 25 йил" эсдалик нишонлари эгаларига топширилди
Президент фармонига кўра, мамлакатимиз мустақиллигини мустаҳкамлаш, унинг иқтисодий, сиёсий, ижтимоий, илмий, маънавий салоҳиятини ва мудофаа қудратини юксалтириш, давлатимиз сарҳадларининг дахлсизлигини таъминлаш, тинчлик ва барқарорликни асраш, миллий маданиятимиз ва санъатимизни ривожлантириш, соғлом ва баркамол авлодни вояга етказиш, ёшларимизни ватанпарварлик ва истиқлол ғояларига садоқат руҳида тарбиялаш ишларига муносиб ҳисса қўшган кишиларга "Ўзбекистон мустақиллигига 25 йил" эсдалик нишони берилди.

Вилоят ҳокимлигида бўлган тантанада вилоят ҳокими З.Мирзаев эсдалик нишонини дастлаб вилоятдаги энг фаол нуронийлар, меҳнат фахрийлари, фан арбоблари, шаҳар ва туман ҳокимларига топширди.

– Бу нишон давлатимизнинг биз фахрийлар фаолиятига эътирофидир, – дейди меҳнат фахрийси Салоҳиддин Бобомуродов. – Нишонни кўкрагимга тақар эканман, шу  юртга, шу элга фойдам тегаётганлигидан фахрландим.

Тақдирлаш маросимлари шаҳар ва туманларда давом этмоқди.