Кичик бизнес ва хусусий тадбиркорликка кенг йўл очиш нафақат мамлакат иқтисодиётини ривожлантиради, балки аҳолига қўшимча иш ўринлари яратиб, уларнинг турмуш шароитини яхшилашга ҳам ёрдам беради. Шу боис мамлакатимизда кичик бизнес ва хусусий тадбиркорликни қўллаб-қувватлашга катта эътибор қаратилмоқда.

Бугун, 15 март куни савдо-саноат палатаси Самарқанд вилоят ҳудудий бошқармасида вилоят ҳокимлигининг тадбиркорлар билан навбатдаги учрашуви ўтказилди.

Ҳафта давомида 31 та тадбиркордан 21 таси ўз муаммосига учрашувгача ечим топганлиги билан бу каби қабуллар аҳамиятли бўлмоқда.

Учрашув давомида 10 нафар тадбиркорлик субъектлари ўз муаммоларини билдиришди.

Тадбиркорларда юзага келган масалалар ечими бўйича бир ҳафталик муддат билан мутасадди ҳодимлар бириктирилиб, мурожаатлар ижроси вилоят ҳокимлиги томонидан назоратга олинди.