Самарқанд халқаро аэропортида муборак ҳаж сафаридан қайтган бир гуруҳ юртдошларимизни кутиб олиш маросими бўлиб ўтди.

Унда вилоят, туман ва шаҳар ҳокимликлари мутасаддилари, кенг жамоатчилик вакиллари иштирок этди.

- Давлатимиз раҳбарларининг биз, кексаларга кўрсатаётган ғамхўрлиги туфайли мусулмончиликнинг муҳим шартларидан бири ҳаж амалларини эмин-эркин адо этишга муваффақ бўлдик, - дейди Шукрулла Умаров. - Мадина шаҳрига бориб тушган кунимиздан бошлаб, ўзбекистонликларга барча қулайликлар яратилди. Минода бўламизми, Арофатда бўламизми, энг нуфузли меҳмонхоналарда жойлашдик. Зиёратларга барча қулайликларга эга автобусларда олиб борилди. Ўар биримиз ибодатларда юртимиз тинчлиги, Президентимиз омонлигини, фарзандларимиз камолини сўраб дуо қилдик.