Самарқанд шаҳрида академик лицей ва касб-ҳунар коллежлари ўқувчилари ўртасида «Баркамол авлод спорт жамоалари» мусобақалари доирасида мини-футбол бўйича «Ёшлар иттифоқи вилоят кенгаши раиси кубоги» учун мусобақа бўлиб ўтди.

Ўзбекистон ёшлар иттифоқи вилоят кенгаши ҳамда жисмоний тарбия ва спорт бошқармаси ҳамкорлигида ташкил этилган мусобақада шаҳар ва туман босқичларида ғолиб бўлган 16 жамоа ғолиблик учун майдонга тушди.

Мусобақа якунига кўра, Нуробод тумани вакиллари барча рақибларини енгиб, кубок соҳиби бўлишди. Иккинчи ўринга Самарқанд шаҳри футболчилари муносиб кўрилган бўлса, учинчи ўринни Тойлоқ тумани вакиллари банд этди.

Fолиб ва совриндорлар ташкилотчиларнинг диплом ва эсдалик совғалари билан тақдирланди.