Самарқанд шаҳридаги ҳарбий қисмда мазкур акция доирасида маънавий-маърифий тадбир ўтказилди. 

Ўзбекистон Республикаси Касаба уюшмалари федерацияси раиси Т.Норбоева, Ўзбекистон Республикаси Олий Мажлиси Сенати аъзоси Ф.Тошев, вилоят ҳокими ўринбосари, хотин-қизлар қўмитаси раиси Н.Раббимова ва бошқалар ҳарбий хизматчиларни байрам билан табрикладилар.

Мамлакатимизда профессионал миллий армиямизни шакллантириш борасида амалга оширилаётган ислоҳотлар ҳақида сўз юритдилар.

– Бугунги кунда ҳарбий хизматчилар ва уларнинг оила аъзоларини ижтимоий муҳофаза қилиш, моддий ва маънавий қўллаб-қувватлаш борасида касаба уюшмалари томонидан ҳам тизимли ишлар олиб борилмоқда, – дейди Ўзбекистон Касаба уюшмалари федерацияси раиси Т.Норбоева. – Уларни уй-жой билан таъминлаш, кафолатланган тиббий хизмат кўрсатиш, моддий ва маиший шароитларини яхшилаш борасида аниқ дастурлар асосида зарур чора-тадбирларни кўряпмиз.

Тадбирда ҳарбий хизматчиларга касаба уюшмалари федерациясининг эсдалик совғалари топширилди.