Самарқанд медицина институти қошидаги 1-сон академик лицей ўқувчиси Жаҳонгир Фахриев кимё фани бўйича Москва шаҳрида ўтказилган Менделеев номидаги 50-халқаро олимпиадада бронза медалини қўлга киритди.

Анъанага кўра, Мустақил давлатлар ҳамдўстлиги, Болтиқбўйи ва жанубий-шарқий Европа мамлакатлари ўқувчи-ёшлари ўртасида ўтказилган мазкур интеллектуал беллашувларда 21 та давлатдан 114 нафар ёш кимёгарлар ўз билимларини синовдан ўтказди.

Самарқанд шаҳридаги 60-умумтаълим мактабида фанлар бўйича илк сабоқларни ўзлаштирган Ж.Фахриевнинг шижоати, изланувчанлик қобилиятига ҳавас қилса арзигулик.

Шодиёр Худойбердиев