Бугун Иштихон туманида “Зарафшон сифат текстил” енгил саноат корхонасининг очилиш маросими бўлиб ўтди. Ушбу саноат корхонаси ўз фаолиятини бошлаши муносабати билан Иштихон туманида истиқомат қилаётган 420 нафар опа-сингилларимиз доимий иш ўрнига эга бўлишди.

Ушбу корхонанинг иш бошлаши муносабати билан кўплаб хотин-қизлар бир неча ой давомида Самарқанд шаҳрида алоҳида ўқув амалиётидан ўтдилар. Бу жараёнда улар енгил саноатда ишлаш сир-асрорларини қунт билан ўрганишди, амалий машғулотлар ёрдамида ўз маҳоратларини оширдилар. Ана шу даврда ҳам уларга белгиланган миқдорда ойлик маошлар бериб борилди, касб-сирлари тўла ўргатилди.

Энг қувонарли жиҳати, фабрикада ишлаб чиқариладиган тайёр трикотаж маҳсулотларининг асосий қисми хорижий давлатларга экспортга йўналтирилади.