Иштихон шаҳарчасида қад ростлаган мазкур спорт иншооти бир кунда сузиш, синхрон сузиш, сувга сакраш ва сувда турли машқларни бажариш билан шуғулланадиган 320 нафар ёшларни ўз бағрига оладиган марказга айланди.

Лойиҳа қиймати 3 миллиард 67 миллион сўм бўлган ушбу объект Ўзбекистон Болалар спортини ривожлантириш жамғармаси маблағлари ҳисобидан барпо этилди.

Узунлиги 25 метр, эни 15 метр бўлган сузиш ҳавзасида ёшларнинг шуғулланишлари учун барча қулайлик яратилган.

Ҳакамлар, мураббийлар, тиббиёт хоналари ташкил этилган. Ҳар бир хона замонавий жиҳозланган.

Гулчеҳра Усмонова.