Вилоят ҳокимлиги туризмни ривожлантириш департаменти томонидан ички туризмни ривожлантиришга кўмаклашиш мақсадида шаҳар аҳолиси учун экскурсия ва саёҳатлар ташкил этилиб борилмоқда.

Навбатдаги саёҳат Самарқанд давлат архитектура-қурилиш институти ва Самарқанд давлат университети талабалари учун ташкил этилди. Талабалар Самарқанднинг диққатга сазовор жойлари ва маданий мерос объектлари билан танишишди.

Талабалар мазкур экскурсиялар аввало уларни ўз она шаҳри тарихи, миллий маданияти билан яқиндан танишишларига имкон берганлигини таъкидлашди.