Тошкент шаҳридаги “Ўзэкспомарказ”да Ўзбекистон Республикасининг 2018 йилги солиқлар миқдори ва солиқ қонунчилигидаги ўзгаришларга бағишланган кўргазмали семинар бўлиб ўтди.

Республикамизнинг барча вилоят ва шаҳарларидан таклиф этилган энг яхши солиқ тўловчилар, тадбиркорлар, соҳа мутахассислари ва оммавий ахборот воситалари ходимлари иштирок этган семинарда 2018 йилда юртимизда қўлланиладиган солиқ тушумлари ва ундаги ўзгаришлар тўғрисида тушунча берилди.

Солиқ қонунчилигидаги янгиликларни тадбиркорлик субъектлари ва аҳоли ўртасида кенг тарғиб қилишдаги фаоллиги учун “Зарафшон”ва “Самаркандский вестник” газеталари бирлашган таҳририятига Давлат солиқ қўмитасининг фахрий ёрлиғи топширилди.