Самарқанд шаҳрида Россия Федерациясининг «Щелково Агрохим» акциядорлик жамияти муассислигида Sanagrohim Ўзбекистон-Россия қўшма корхонаси фаолият бошлади.

Корхонанинг асосий фаолияти қишлоқ хўжалиги экинлари зараркунандаларига қарши курашнинг энг самарали кимёвий воситаси бўлган пестицидлар ишлаб чиқариш ва уларни фермер, деҳқон хўжаликлари ҳамда томорқа ер эгаларига етказиб беришдир.

Шу мақсад доирасида Самарқанд қишлоқ хўжалик институтида россиялик мутахассислар ҳамда самарқандлик олимлар иштирокида “Қишлоқ хўжалиги ўсимликлари зараркунандалари ҳамда экинлар касалликларига қарши курашда кимёвий воситаларни қўллаш самарадорлигини оширишда илмий ишлаб чиқариш ҳамкорлиги” мавзусида давра суҳбати бўлиб ўтди.

Ҳамкорлик натижасида йиллик қуввати 20-25 минг тонна пестицид ишлаб чиқариш имкониятига эга бўлган завод қуриш борасида келишиб олинди. Корхона ишга тушгач, 100 киши иш билан таъминланади, маҳсулот таннархи эса 25-30 фоизга арзонлашади.

Йўлдош Суюнов, Sanagrohim қўшма корхонаси матбуот котиби.