Самарқанд шаҳридаги “Ёшлик” маданият ва истироҳат боғида татар ва бошқирд халқларининг “Сабантўй” миллий байрами бўлиб ўтди. 

Вилоят ҳокимлиги, Самарқанд шаҳар маданият ва спорт ишлари бўлими ҳамда “Умырзая” – татар ва бошқирд миллий-маданий маркази ташаббуси билан ташкил этилган тадбирда вилоятдаги татар ва бошқирд, корейс, турк, немис миллий маданият марказлари ҳамда кенг жамоатчилик вакиллари иштирок этди.

– Сабантўй узоқ тарихга эга, – дейди “Умырзая” татар-бошқирд маданият маркази раҳбари Аҳмед Субхонқулов. – Бу байрамни юртимизда истиқомат қилаётган барча татар ва бошқирдлар ҳам кўтаринки рухда нишонлаб келади.

Тадбирда Татаристонда хизмат кўрсатган артист Рамзия Бекбаева ва вилоятимиз санъаткорлари томонидан куй-қўшиқлар, миллий рақслар ижро этилди.

Б. Мустанов