Фуқаролик жамияти шаклланишини мониторинг қилиш мустақил институти вилоят ҳудудий бўлинмаси ва вилоят адлия бошқармаси ҳамкорлигида "Мамлакатимизда кучли фуқаролик жамиятини барқарор ривожлантиришни таъминлашда ва ижтимоий шерикликни янада рағбатлантиришда фуқаролик жамияти институтларининг ўрни" мавзусида семинар-тренинг бўлиб ўтди.

Тадбирда вилоят адлия бошқармаси, ФЖШМҚМИ вилоят ҳудудий бўлинмаси ходимлари, миллий-маданий марказлар ва ННТ вакиллари иштирок этди. Семинар-тренингда Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди томонидан ННТ ва фуқаролик жамияти бошқа институтларининг ижтимоий аҳамиятга молик лойиҳаларига давлат грантлари ажратиш учун қўшимча танлов эълон қилганлиги ҳақида маълумот берилди.