Ўзбекистон Республикаси Халқ таълими вазирлиги томонидан 2011 йилдан буён умумтаълим мактабларининг 5-8-синф ўқувчилари ўртасида анъанавий тарзда ўтказилиб келинаётган “Билимлар беллашуви” ўқувчилар орасидан иқтидорли ёшларни топиш ва рағбатлантиришга йўналтирилганлиги билан аҳамиятли бўлмоқда. 

“Билимлар беллашуви”нинг Республика босқичида Самарқанд вилоятидан иштирок этган 28 нафар 7-8 синф ўқувчиларининг 9 нафари юқори ўринларни эгаллади. Хусусан, 3 та биринчи ўрин, 1 та иккинчи ўрин, 5 та учинчи ўрин вакилларимизга насиб этди.

Беллашувда математика фанидан Иштихон туманидаги 2-ихтисослашган давлат умумтаълим мактаби ўқувчиси Сардор Омонов, немис тили фанидан Самарқанд шаҳридаги 51-ихтисослашган давлат умумтаълим мактаби 7-синф ўқувчиси Амина Аҳрорқулова, рус тили ва адабиёти (рус) фанидан Каттақўрғон шаҳридаги 6-умумтаълим мактабининг 8-синф ўқувчиси Азизбек Пардаев 1-ўринни эгаллади.

Шунингдек, она тили ва адабиёт фанидан Пастдарғом туманидаги 28-ихтисослашган давлат умумтаълим мактаб-интернати 7-синф ўқувчиси Севинч Султонова 2-ўринни, тарих фанидан Тайлоқ туманидаги 46-умумтаълим мактабининг 8-синф ўқувчиси Жаҳонгир Муродуллаев, кимё фанидан Пастдарғом туманидаги 28-ихтисослашган давлат умумтаълим мактаб-интернати 8-синф ўқувчиси Ҳафизжон Раҳимов, биология фанидан Самар­қанд шаҳридаги 30-умумтаълим мактаби 8-синф ўқувчиси Ситора Худойбердиева, география фанидан Каттақўрғон туманидаги 1-ихтисослашган давлат умумтаълим мактаби 7-синф ўқувчиси Зуҳриддин Самадов, иқтисодий билим асослари фанидан Пастдарғом туманидаги 28-ихтисослашган давлат умумтаълим мактаб-интернати 8-синф ўқувчиси Баҳрилло Файзуллаев 3-ўринни эгаллади.

Ўқувчиларнинг ўртача бали 84,7 баллни ташкил этди. Бу ўтган йилгига қараганда 2,7 балл юқори,демакдир.

Вилоят Халқ таълими бошқармаси ахборот хизмати