Вилоят ҳокимлиги туризмни ривожлантириш департаменти “Мўътабар зардўз” фирмаси билан ҳамкорликда туристик ахборот маркази ташкил этилди.

Ўзига хос дизайн асосида ўтов шаклида Самарқанд шаҳридаги Бибихоним масжиди яқинида қурилган ахборот марказида Самарқанддаги сайёҳлик йўналишлари, диққатга сазовор жойлар, минтақанинг тарихий қадриятлари, миллий ҳунармандлик маҳсулотлари, транспорт ва бошқа хизматлар ҳақида маълумот олиш мумкин.

Бундан ташқари, бу ерда маҳаллий жамоат транспорти учун чипталар, сайёҳлик материаллари, хариталар, буклетлар, тарихий адабиётлар ва ҳунармандлар маҳсулотларини харид қилса бўлади.