Беларусь Республикаси Қуролли Кучлари Бош штаби бошлиғи – Беларусь мудофаа вазирининг биринчи ўринбосари, генерал-майор Олег Белоконев бошчилигидаги делегация Самарқандга ташриф буюрди. 

Темир йўл вокзалида меҳмонларни марказий ҳарбий округ қўшинлари қўмондони полковник А.Саидов кутиб олди.

Ўзбекистон мудофаа вазирининг биринчи ўринбосари – Қуролли Кучлар Бош штаби бошлиғи, генерал-майор Павел Эргашев ҳамроҳлигида меҳмонлар дастлаб Марказий ҳарбий округига ташриф буюришади. Меҳмонларга округда ҳарбийларга яратилган шарт-шароитлар бўйича маълумот берилади.

Шундан сўнг улар Самарқанд шаҳридаги тарихий обидаларни саёҳат қилишади.