Вилоят ҳокимлиги томонидан “8 март – Халқаро хотин-қизлар куни” байрамига тайёргарлик кўриш ва уни юқори даражада ўтказиш бўйича тасдиқланган чора-тадбирлар режасига мувофиқ, вилоятнинг барча туман, шаҳарларида байрамга бағишланган тадбирлар ўтказилиб келинмоқда.

Шундай тадбирлардан бири вилоят хотин-қизлар қўмитаси томонидан ташкил этилди. Чекка қишлоқларда истиқомат қилувчи 500 нафар оғир ижтимоий аҳволдаги, кам таъминланган хотин-қизлар учун диққатга сазовор жойларга ва тарихий обидаларга зиёрат ҳамда “Темуршоҳ” базмгоҳида байрам дастурхони ёзилиб, концерт дастури ташкил этилди.

Шунингдек, тадбир сўнгида муҳтарама онахонлар ва қадрли опа-сингилларимизга совғалар улашилди.