Давлат хизматлари агентлиги Самарқанд вилояти бошқармаси ва туман (шаҳар) давлат хизматлар маркази ходимлари томонидан олис ҳудудларда яшовчи фуқароларимизга сайёр тартибда давлат хизматлари кўрсатиш тизими йўлга қўйилган.

Мазкур жараённи осонлаштириш ва аҳолига янада сифатли ҳамда тезкор давлат хизматлари кўрсатилишини таъминлаш мақсадида давлат хизматлари агентлиги Самарқанд вилояти бошқармасига компьютер, принтер, сканер ва интернетга уланиш мосламаларига эга автобус ажратиб берилди.

Эндиликда автобус ёрдамида турли тизимдаги идоралар мутахассислари (ФҲДЁ, нотариус, кадастр, халқ қабулхонаси каби) давлат хизматлари маркази ходимлари билан биргаликда сайёр ҳолда хизмат кўрсатади.