Касб байрами арафасида Каттақўрғон шаҳар ҳокимлиги газетаси – «Каттақўрғон тонги» таҳририяти жамоаси таъмирланган, барча қулайликларга эга янги бинога кўчиб ўтди.

- Ўзбекистон Журналистлари ижодий уюшмаси вилоят бўлими ҳамда шаҳар ҳокимлиги журналистларнинг эркин ижод қилишлари учун шарт-шароитлар яратишга бош-қош бўлишди, - дейди газета муҳаррири Мамадали Эргашев. – Жамоамиз узоқ йиллар давомида ижодий меҳнат қилиш учун ноқулай бўлган, пастқам бинолардан фойдаланиб келар эди. Замонавий жиҳозланган, атрофи ободонлаштирилган янги бино биз учун муносиб туҳфа бўлди.

А.ИСКАНДАРОВ.