Самарқанд вилоят адлия бошқармаси томонидан “Инсон ҳуқуқлари–олий қадрият” лойиҳаси доирасида фуқароларга қонуний ва ҳуқуқий кўмак берилиб борилмоқда.

Бошқарма ходимлари томонидан Нарпай туман йўллардан фойдаланиш унитар корхонасида ўрганиш олиб борилиб, мониторинг ўтказилди ҳамда ҳуқуқий тарғибот ўтказилди.

Ўрганиш жараёнида, Нарпай туман йўллардан фойдаланиш унитар корхонаси томонидан тақдим этилган маълумотлар асосида 13 нафар ходимнинг ойлик иш ҳақлари ўз вақтида тўланмасдан келинаётганлиги аниқланиб, ушбу ҳолат юзасидан фуқаролик ишлари бўйича Каттақўрғон туманлараро судига эллик бир миллион олти юз эллик тўққиз минг олти юз ўн саккиз сўмлик иш ҳақини ундириш тўғрисида ариза киритилиб, 13 нафар ходимга тўланмасдан келинаётган ойлик иш ҳақлари тўланилишига эришилди.