1 ИЮНЬ — ХАЛҚАРО БОЛАЛАРНИ ҲИМОЯ ҚИЛИШ КУНИ | Оммавий тадбирлар

O‘zb Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

1 ИЮНЬ — ХАЛҚАРО БОЛАЛАРНИ ҲИМОЯ ҚИЛИШ КУНИ

Бугун 1 июнь — Халқаро болаларни ҳимоя қилиш куни муносабати билан Самарқанд шаҳридаги Алишер Навоий номидаги маданият ва истироҳат боғида ҳамда Мустафо Камол Отатурк кўчасида «Ҳар бир болага меҳр ва эътибор» шиори остида тадбир бўлиб ўтди.

2017 йил — Халқ билан мулоқот ва инсон манфаатлари йили ҳамда 1 июнь — Халқаро болаларни ҳимоя қилиш куни муносабати билан вилоят ҳокимлиги ташаббуси остида ташкил этилган байрам тадбирларида умумтаълим мактаблар ўқувчилари, туман ва шаҳарлардаги кам таъминланган, боқувчисини йўқотган, кўп болали оилалар фарзандлари ҳамда меҳрибонлик уйлари, махсус мактаб-интернатлари тарбияланувчилари иштирок этди.

Улар учун шаҳримиздаги болалар мусиқа ва санъат мактаблари тарбияланувчиларининг концерт дастурлари спорт мактаблари тарбияланувчиларининг кўргазмали чиқишлари намойиш этилди. Боғдаги барча аттракционларда акция иштирокчилари учун бепул хизмат кўрсатилди.

Тадбирда вилоят ҳокимининг ўринбосари А.Умаров иштирок этди.

Охирги ўзгариш: 11/09/2018 09:20. Кўрилганлиги: 1966

Материал манзили: https://samarkand.uz/uz/press/events/1-iyun-xalqaro-bolalarni-himoya-qilish-kuni