Самарқанд вилояти ҳокимлиги w w w . s a m a r k a n d . u z

Самарқанд вилоятида давлат кўчмас мулкидан фойдаланганлик учун 2018 йилда қўлланиладиган ижара тўловининг энг кам ставкалари ҳақида

Самарқанд вилоятида давлат кўчмас мулкидан фойдаланганлик учун 2018 йилда қўлланиладиган ижара тўловининг энг кам ставкалари ҳақида

Самарқанд вилояти ҳокимининг қаpopи

Ўзбекистон Республикасининг “Маҳаллий давлат ҳокимияти тўғрисида”ги Қонунининг (Ўзбекистон Республикаси Олий Кенгашининг Ахборотномаси, 1993й., 9-сон, 320-модда) 6 ва 25-моддалари, Ўзбекистон Республикаси Вазирлар Маҳкамасининг 2009 йил 8 апрелдаги “Давлат мулкини ижарага бериш тартибини такомиллаштириш чора-тадбирлари тўғрисида”ги 102-сонлиқарорига мувофиқ, Ўзбекистон Республикаси Иқтисодиёт вазирлигининг 2018 йил 23 январдаги СБ-4-7/3-сонли, Молия вазирлигининг 2018 йил 23 январдаги АХ/08-01-32-14/29-сонли, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг 2018 йил 23 январдаги 50/01-17-сонли келишувини инобатга олиб

ҚАРОРҚИЛАМАН:


  1. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг 2018 йил 23 январдаги 50/01-17-сонли хати маълумот учун қабул қилинсин.
    2. Хусусийлаштирилган корхоналарга кўмаклашиш ва рақобатни ривожлантириш давлат қўмитасининг вилоят ҳудудий бошқармаси, вилоят молия, статистика бошқармалари, Савдо-саноат палатаси вилоят ҳудудий бошқармаси, вилоят “Ермулккадастр” хизмати ва вилоят Давлат мулкини ижарага бериш маркази давлат унитар корхонасининг давлат кўчмас мулкини ижарага беришда 2018 йилда ижара тўловининг таянч ставкасини ҳисоблаб чиқиш бўйича коэффицентларни аниқлаш тўғрисидаги таклифи иловага мувофиқ маъқуллансин.
    3. Самарқанд вилоятидаги давлат кўчмас мулкидан фойдаланганлик учун 2018 йилда ижара ҳақининг 2018 йил учун 1 кв.м.га энг кам миқдордаги ставкалари 1-иловага;
    ижара тўловини (ижара тўловининг таянч ставкасини) ҳисоблаб чиқиш тартиби ва қўлланадиган коэффициентлар 2-иловага мувофиқ тасдиқлансин.
    4. Давлат мулки бўлган бинолар ва хоналарда жойлашган бюджет ташкилотлари учун ижара тўловининг “ноль” ставкаси қўлланилиши белгилаб қўйилсин.
    5. “Самарқанд вилоят давлат мулкини ижарага бериш маркази” давлат унитар корхонаси (Б. Пайшанов) давлат мулкини ижарага бериш тўғрисидаги шартномаларни Ўзбекистон Республикаси Вазирлар Маҳкамасининг 2009 йил 8 апрелдаги “Давлат мулкини ижарага бериш тартибини такомиллаштириш чора-тадбирлари тўғрисида”ги 102-сон қарори билан тасдиқланган Низом талаблари асосида расмийлаштириб, ижарага берилган давлат мулки тўғрисидаги маълумотларни тегишли равишда вилоят молия бош бошқармаси ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитасининг вилоят ҳудудий бошқармасига тақдим этиб борсин.
    6. Вилоят ҳокимининг 2016 йил 30 декабрдаги “Давлат мулкини ижарага бериш тартибини такомиллаштириш чора-тадбирлари тўғрисида”ги 336-сонли қарори ўз кучини йўқотган деб топилсин.
    7. Ушбу қарор “Зарафшон” газетасида эълон қилинсин ҳамда ҳокимликнинг samarkand.uz расмий веб-сайтига жойлаштирилсин.
    8. Мазкур қарор ижросини назорат қилиш Самарқанд вилоят ҳокимининг биринчи ўринбосари Ш. Худойбердиев зиммасига юклансин.

Вилоят ҳокими                                                                                                                        Т.Джураев

Вилоят ҳокимининг 2018 йил 8 февралдаги 83-Қ сонли қарорига 1-илова  (Doc 162 KB)

Вилоят ҳокимининг 2018 йил 8 февралдаги 83-Қ сонли қарорига 2-илова (Doc 33 KB)

2018 йил 8 февраль, 83-Қ

 


Киритилган вақти: 09/11/2018 18:38.   Кўрилганлиги: 55
 
Материал манзили: https://samarkand.uz/samarqand-viloyatida-davlat-kochmas-mulkidan-foydalanganlik-uchun-2018-yilda-qollaniladigan-ijara-tolovining-eng-kam-stavkalari-haqida

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 12

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг