Самарқанд вилояти ҳокимлиги w w w . s a m a r k a n d . u z

Вилоят ҳокимининг иқтисодий ва ижтимоий ривожлантириш, хизмат кўрсатиш соҳаси ва тадбиркорлик масалалари бўйича ўринбосари котибияти мудирининг вазифалар тақсимоти

Вилоят ҳокимининг иқтисодий ва ижтимоий ривожлантириш, хизмат кўрсатиш соҳаси ва тадбиркорлик масалалари бўйича ўринбосари котибияти мудирининг вазифалар тақсимоти

1. Қуйидагилар вилоят ҳокимининг иқтисодий ва ижтимоий ривожлантириш, хизмат кўрсатиш соҳаси ва тадбиркорлик масалалари бўйича ўринбосари котибияти мудирининг асосий вазифалари ҳисобланади:

Котибиятга умумий раҳбарлик қилади, ўзига юклатилган вазифалар ва функцияларни бажариш бўйича ҳоким ўринбосари ишини ташкил қилади ҳамда котибиятга юкланган вазифалар ва функцияларнинг бажарилиши юзасидан шахсан жавоб беради;

Киритилган таклифлар ва ҳужжатлар лойиҳаларини кўриб чиқишда давлат принципларига қатъий риоя қилинишини таъминлайди, уларнинг эксперт жиҳатидан ишлаб чиқилишини ташкил қилади ва тайёрланган ҳужжатлар лойиҳаларига виза қўяди. Тегишли ҳужжатлар қабул қилингандан кейин уларнинг бажарилиши юзасидан тизимли назоратни таъминлайди;

Тасдиқланган тузилмага ва штатлар рўйхатига мувофиқ лавозимга тавсия этилаётган номзодлар, мутахассисларнинг касбий даражасини ва иш малакасини ошириш, уларни рағбатлантириш ва уларга жазо чоралари кўриш бўйича таклифларни пухта ишлаб чиқади ва киритади;

Котибият ходимлари ўртасида вазифалар тақсимотини, шунингдек котибиятнинг ярим йиллик иш режаси лойиҳасини ишлаб чиқади ва тасдиқлашга киритади, мутахассисларнинг иш режаларини тасдиқлайди;

Ҳоким ёки унинг ўринбосари ўтказадиган йиғилишларда, шу жумладан ҳар ҳафталик аппарат йиғилишларида ва комиссиялари мажлисларида, шунингдек котибиятнинг иш юритиш соҳасига кирувчи масалалар бўйича ўтказиладиган бошқа йиғилишларда қатнашади;

Иш юритишни белгиланган тартибда олиб боришни таъминлайди, чиқувчи хат-хабарларни имзолайди.

Ҳоким томонидан юкланган ва функционал вазифаларда назарда тутилган бошқа функцияларни белгиланган тартибда амалга оширади

Ўзбекистон Республикаси Вазирлар Маҳкамасининг 1999 йил 12 январдаги 12-сонли “Ижро-интизомини мустаҳкамлаш тўғрисида”ги ҳамда 29 мартдаги 140-сонли “Ўзбекистон Республикаси давлат ҳокимияти ва бошқарув органларида иш юритиш ва ижро назоратини ташкил этиш бўйича норматив ҳужжатларни тасдиқлаш ҳақида”ги қарорларига мувофиқ котибиятда тизимли иш юритилишини назорат қилади ҳамда ҳар ҳафтанинг жума куни ижро интизоми бўйича муҳокама қилиб боради;

Ўзбекистон Республикаси Президентининг 2015 йил 10 декабрдаги Ф-4577-сонли фармойиши бажарилишини таъминлаш мақсадида “Соғлом она ва бола йили” Давлат дастури ижросини назорат қилади.

2. Ҳудудий Пул-кредит комиссияишини мувофиқлаштиради.


Охирги ўзгариш: 20/09/2016 18:29.   Кўрилганлиги: 891
 
Материал манзили: https://samarkand.uz/regional_government/apparatus_duties/viloyat-hokimining-iqtisodiy-va-ijtimoiy-rivojlantirish-xizmat-korsatish-sohasi-va-tadbirkorlik-masalalari-boyicha-orinbosari-kotibiyati-mudirining-vazifalar-taqsimoti

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 13

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг