ЗУЛФИЯ НОМИДАГИ ДАВЛАТ МУКОФОТИ БИЛАН ТАҚДИРЛАШ ТЎҒРИСИДА

Ўзбекистон Республикаси Президентининг қарори

Юртимизда мўътабар аёл зотига муносиб ҳурмат-эҳтиром кўрсатиш, уларнинг ижтимоий ҳаётимиздаги ўрни ва нуфузини ошириш, баркамол хотин-қизлар авлодини вояга етказиш, иқтидорли ёшларни рағбатлантириш мақсадида ҳамда Ўзбекистон Республикаси Президентининг 1999 йил 10 июндаги «Зулфия номидаги Давлат мукофотини таъсис этиш бўйича таклифларни қўллаб-қувватлаш тўғрисида»ги фармонига мувофиқ қабул қилинган Низомга асосан:

1. Ўзбекистон Хотин-қизлар қўмитаси ҳузуридаги Зулфия номидаги Давлат мукофоти комиссиясининг аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда адабиёт, маданият, санъат, таълим ва спорт соҳаларидаги алоҳида ютуқлари учун Қорақалпоғистон Республикаси, вилоятлар ва Тошкент шаҳрининг иқтидорли қизларини Зулфия номидаги Давлат мукофоти билан тақдирлаш тўғрисидаги таклифлари иловадаги рўйхатга мувофиқ маъқуллансин.

2. Зулфия номидаги Давлат мукофоти билан тақдирланганларга 8 март – Халқаро хотин-қизлар байрамига бағишлаб ўтказиладиган тантаналарда совриндорлик дипломлари ва кўкрак нишонлари топширилсин.

3. Ўзбекистон Республикаси Молия вазирлиги Зулфия номидаги Давлат мукофоти совриндорларининг ҳар бирига энг кам ойлик иш ҳақининг 50 баравари миқдорида пул мукофоти берилишини таъминласин.

4. Ўзбекистон Миллий телерадиокомпанияси ҳамда Ўзбекистон Миллий ахборот агентлигига Зулфия номидаги Давлат мукофоти соҳибаларининг ибратли фаолияти, уларнинг ноёб истеъдоди ва эришган ютуқларини кенг ёритиб бориш тавсия этилсин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Э.Боситхонова зиммасига юклансин. 

Ўзбекистон Республикаси Президенти И.Каримов
Тошкент шаҳри, 2015 йил 3 март 

* * * 

ЗУЛФИЯ НОМИДАГИ ДАВЛАТ МУКОФОТИ БИЛАН ТАҚДИРЛАНГАНЛАР РЎЙХАТИ


Базарбаева Шахзада Аллияр қизи

-

Қорақалпоқ давлат университети қошидаги академик лицейнинг 2-босқич ўқувчиси

Абдуллаева Гўзалой Адхамжон қизи

-

Андижон давлат университети қошидаги 2-академик лицейнинг 2-босқич ўқувчиси

Исматова СиторабонуФарҳод қизи

-

Бухоро шаҳридаги 39-ихтисослаштирилган умумий ўрта таълим мактабининг 9-синф ўқувчиси

Шавкатова ЛазизаШерзод қизи

-

Жиззах давлат педагогика институти қошидаги «Сайилжой» академик лицейининг 2-босқич ўқувчиси

Раҳмонова Гўзал Баҳриддин қизи

-

Қашқадарё вилояти Чироқчи спорт-педагогика коллежининг 3-босқич ўқувчиси

Жуманова Ирода Шокиржон қизи

-

Навоий вилояти Учқудуқ кончилик касб-ҳунар коллежининг 2-босқич ўқувчиси

Ходжаева Кумушхон Сайдулло қизи

-

Наманган олимпия захиралари коллежининг 2-босқич ўқувчиси

Иргашева Рухшона Зокиржоновна

-

Самарқанд педагогика коллежининг 2-босқич ўқувчиси

Юсуфова Мадина Олимбек қизи

-

Гулистон давлат университети қошидаги Янгиер академик лицейининг 3-босқич ўқувчиси

Сайфиддинова МанзураИкромиддин қизи

-

Термиз давлат университети қошидаги

Сариосиё академик лицейининг 2-босқич ўқувчиси

Абдуллаева УмидаАлишер қизи

-

Тошкент вилояти Чирчиқ олимпия захиралари коллежининг 3-босқич ўқувчиси

Саидхўжаева СарвинозхонСобирхўжа қизи

-

Фарғона олимпия захиралари коллежининг 3-босқич ўқувчиси

Рахимова ШиринБаҳрам қизи

-

Хоразм вилояти Гурлан туманидаги 5-умумий ўрта таълим мактабининг 8-синф ўқувчиси

Маратова Чаросхон Улуғбек қизи

-

Тошкент шаҳри Юнусобод туманидаги 260-умумий ўрта таълим мактабининг 8-синф ўқувчиси


 


Киритилган вақти: 06/03/2015 20:32.   Кўрилганлиги: 581

 

Сўровнома


Сайтимиздан ўзингиз учун зарур маълумотни олдингизми?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 1

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг