Самарқанд шаҳридаги ёшлар марказида фуқароларнинг ўзини-ўзи бошқариш органлари фаолиятини мувофиқлаштириш бўйича ва ёшлар иттифоқи вилоят кенгашлари, вилоят ички ишлар бошқармаси, ташқи миграция агентлиги вилоят бўлими, 

одам савдосига қарши курашиш бўйича вилоят идоралараро комиссияси вакиллари ва ёшлар ўртасида очиқ мулоқот ташкил этилди.

Очиқ мулоқотда сўзга чиққан соҳа мутахассислари хорижда ишлашнинг қонуний асослари, ноқонуний миграция оқибатида келиб чиқаётган одам савдоси, ундан жабрланиш ва депортация қилиниш каби салбий ҳолатлар, уларни олдини олишда ҳуқуқий саводхонликнинг аҳамияти ҳақида ёшларга атрофлича маълумот беришди.

Тадбирда туман ва шаҳардан ташриф буюрган 200 нафар ёшлар ўзларини қизиқтирган саволларига мутахассислардан жавоб олишди.