Самарқанд вилояти ҳокимлиги w w w . s a m a r k a n d . u z

ЁШЛАР ГИЁҲВАНДЛИК ВА ЧЕКИШГА ҚАРШИ

ЁШЛАР ГИЁҲВАНДЛИК ВА ЧЕКИШГА ҚАРШИ

Халқаро гиёҳвандликка қарши курашиш куни муносабати билан Самарқанд вилоятининг шаҳар ва туманларида “Баркамол авлод - гиёҳвандлик ва чекишга қарши!” шиори остида ёшлар акцияcи ўтказилди.

Самарқанд шаҳридаги “Ёшлик” истироҳат боғида “Камолот” ёшлар ижтимоий ҳаракати вилоят кенгаши томонидан маданият ва спорт, ички ишлар, ўрта махсус, касб-ҳунар таълими бошқармалари билан ҳамкорликда ўтказилган тадбирда “Биз – гиёҳвандликкақаршимиз!” мавзусида расмлар кўргазмаси, соғлом турмуш тарзини тарғиб қилувчи турли интеллектуал ўйинлар, викториналар, мусиқий-маданий чиқишлар намойиш этилди.


– Акцияда иштирок этган икки мингдан зиёд ёшлар гиёҳвандликнинг зарарли оқибатларидан огоҳ бўлиш билан бирга, турли маданий ва спорт тадбирларига жалб этилди, – дейди “Камолот” ЁИҲ вилоят кенгаши раиси ўринбосари Меҳрож Усмонов. – Спортнинг стол тенниси, шахмат-шашка, армрестлинг турлари, шунингдек, интерфаол ўйинлар, викторина лойиҳалари ташкил этишдан кўзланган мақсад ёшларнинг бўш вақтларини мазмунли ўтказиш, уларни гиёҳвандлик, чекиш каби иллатлардан асраш, соғлом турмуш тарзини шакллантиришдан иборат эди.


Асрор Жўраев номидаги Самарқанд қўғирчоқ театри актёрларининг мавзуга оид спектакли намойиш этилди. Самарқандлик бир гуруҳ таниқли санъаткорлар ижросидаги куй-қўшиқлар янгради. 


Акцияда фаол иштирок этган бир гуруҳ ёшлар “Камолот” ЁИҲ вилоят кенгаши томонидан диплом, фахрий ёрлиқ ва эсдалик совғалар билан тақдирланди.

Д. Тўхтаев


Киритилган вақти: 28/06/2016 18:34.   Кўрилганлиги: 566
 
Материал манзили: https://samarkand.uz/press/news/yoshlar-giyohvandlik-va-chekishga-qarshi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 1

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг