10-16 январь кунлари Қозоғистоннинг Олма-ота шаҳрида математика, физика ва информатика бўйича XIV халқаро Жаутиков фан олимпиадаси ўтказилди.

Олимпиадада Самарқанд иқтисодиёт ва сервис институти академик лицейи ўқувчилари Мафтуна Саматбоева кумуш, Дониёр Язданов ва Шаҳзод Қурақбоевлар бронза медалларни қўлга киритди.

Шу муносабат билан лицейда ғолибларни кутиб олиш ва қутлаш тадбири ўтказилди. Сўзга чиққан институт проректори С.Тошназаров, ўрта махсус касб-ҳунар таълими бошқармаси бошлиғи А.Насимов, лицей директори А.Матлюбов ва ўқитувчилар бу ғалаба замирида тинимсиз меҳнат ва шижоат ётганини, энг асосийси, ёшлар учун барча шарт-шароит яратиб берилганини таъкидладилар.

Ҳусан Элтоев.