Самарқанд вилояти ҳокимлиги w w w . s a m a r k a n d . u z

Ёш эшкакчиларимиз илк бор дунё биринчилиги мусобақасида ғолиб бўлди

Ёш эшкакчиларимиз илк бор дунё биринчилиги мусобақасида ғолиб бўлди

Чехия давлатининг Рачица  шаҳрида академик эшкак эшиш бўйича 23 ёшгача бўлган спортчилар ўртасида жаҳон чемпионати бўлиб ўтди.

Унда ҳамюртимиз - Егений Агафонов ва самарқандлик сув спорт турлари бўйича ихтисослаштирилган болалар-ўсмирлар спорт мактаби спортчиси Шаҳзод Нурматов илк бор дунё биринчилиги мусобақасида ғолиб бўлди.

Жаҳон чемпионатининг BLM2 йўналишида 2000 метр масофага кечган саралашда спортчиларимиз биринчи натижани қайд этиб, финалда марра чизиғини учинчи бўлиб кесиб ўтди ва бронза медалини қўлга киритди.

Бугун Самарқанд шаҳридаги сув спорт турлари бўйича ихтисослаштирилган болалар-ўсмирлар спорт мактабида академик эшкак эшиш бўйича Ўзбекистон тарихида биринчи марта жаҳон чемпионатида фахрли учинчи ўринни эгаллаган Шаҳзод Нурматовнинг мураббийи Соҳиб Саидов ҳамда унинг ота-онаси вилоят туризм ва спорт бош бошқармаси томонидан тақдирланди.

Тадбирда иштирок этган бошқарма бошлиғи Ўткир Нуруллаев Ш.Нурматовни юқори совринли ўрин билан табриклаб, унинг бу ғалабаси самарқандликларни, қолаверса, ёш эшкакчиларни янада руҳлантиришини билдирди.

Аҳрор Шамсиев.


Киритилган вақти: 16/07/2021 19:04.   Кўрилганлиги: 81
 
Материал манзили: https://samarkand.uz/press/news/yosh-eshkakchilarimiz-ilk-bor-dunyo-birinchiligi-musobaqasida-golib-boldi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 11

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.