Самарқанд ветеринария медицинаси институтининг ветеринария жарроҳлиги кафедраси мудири, доцент Равшанбек Тоштемиров «Олий таълим муассасасининг энг яхши педагоги» танлови республика босқичининг ветеринария соҳаси йўналишида ғолибликни қўлга киритди.

Юқори малакали педагогларни аниқлаш ва рағбатлантириш, таълим ва тарбия соҳасидаги инновация технологияларини оммалаштириш мақсадида ўтказилган танловга олим кинология ва наслчилик, ҳайвонлар бармоқ касалликлари, ветеринария афтолмологиясининг назарий асосларига доир яратган ўқув қўлланмалари, хориж ҳамда республикамиз миқёсидаги журналларда чоп эттирган юздан зиёд илмий мақолаларини тақдим этганди.

Шаҳзод АҲМЕДОВ.