ЯНГИ ТАҲРИРДАГИ БОЖХОНА КОДЕКСИ ТАДБИРКОРЛАРГА ҚУЛАЙЛИКЛАР ЯРАТАДИ

Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Чоп этиш

ЯНГИ ТАҲРИРДАГИ БОЖХОНА КОДЕКСИ ТАДБИРКОРЛАРГА ҚУЛАЙЛИКЛАР ЯРАТАДИ

Вилоят божхона бошқармаси томонидан янги таҳрирдаги Божхона кодексининг мазмун-моҳиятини кенг жамоатчиликка етказиш юзасидан семинар ташкил этилди.

Семинарда кичик бизнес субъектлари, хусусий тадбиркорлар, ташқи иқтисодий фаолият билан шуғулланувчилар, божхона брокерлари ҳамда божхона расмийлаштируви мутахассислари иштирок этдилар.

Ўзбекистон Республикаси Олий Мажлиси Сенати аъзоси Н.Раббимова, халқ депутатлари вилоят Кенгаши депутати Ф.Тошев, вилоят адлия бошқармаси бошлиғи Х.Маматов янги таҳрирдаги кодекснинг ижтимоий-сиёсий аҳамияти, тадбиркорлик ривожидаги роли, божхона қонунчилигига киритилган ўзгартиш ва қўшимчалар, хусусан, кичик бизнес ва хусусий тадбиркорларга яратилган қулайликларга тўхталди.

Тўпланганлар божхона декларациясини олдиндан электрон тарзда расмийлаштириш имкониятини маъқуллаб гапирдилар.

Семинар давомида иштирокчиларнинг янги таҳрирдаги Божхона кодексида назарда тутилган божхона ишида ахборот-коммуникация технологияларини қўллаш, божхона органларига тақдим этиладиган ҳужжатлар сонини камайтириш, интеллектуал мулк ҳуқуқини ҳимоя қилиш масалаларига оид саволларига кодекс нормалари асосида жавоб берилди.

Киритилган вақти: 04/03/2016 19:05. Кўрилганлиги: 1539

Материал манзили: https://samarkand.uz/press/news/yangi-tahrirdagi-bojxona-kodeksi-tadbirkorlarga-qulayliklar-yaratadi