Самарқанд вилояти ҳокимлиги w w w . s a m a r k a n d . u z

Янги низом тасдиқланди

Янги низом тасдиқланди

Ҳукумат қарори билан Аҳоли пунктлари қисмларининг батафсил режалаштириш лойиҳаларини ишлаб чиқишни молиялаштиришда давлат-хусусий шерикликни амалга ошириш тартиби тўғрисидаги низом тасдиқланди. 

Низомга мувофиқ, давлат-хусусий шериклик (ДХШ) лойиҳаларини амалга ошириш тўғрисидаги битим танлов асосида тузилади ва Танлов комиссияси ташкил этилади.

ДХШ лойиҳаларида иштирок этмоқчи бўлганлар вилоят ҳокимликларига ариза беради.

Ариза беш иш кунида ҳокимликлар томонидан ўрганилади ва ҳужжатларни қурилиш бош бошқармаларига танлов эълон қилиш учун юборади.

Танлов бошланишидан 30 кун аввал ҳокимликларнинг расмий сайтида, “Ўзбекистон бунёдкори” газетасида ва бошқа ОАВларда эълон берилади.

Танловда иштирок этиш учун талабгор 2 нусхада буюртмани қурилиш бош бошқармаларига юборади.

ДХШ лойиҳасини амалга ошириш учун энг оптимал деб топилган таклиф иштирокчиси танлов ғолиби деб топилади ва у билан битим тузилади.


Охирги ўзгариш: 01/03/2019 12:52.   Кўрилганлиги: 536
 
Материал манзили: https://samarkand.uz/press/news/yangi-nizom-tasdiqlandi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 7

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.