Самарқанд вилояти ҳокимлиги w w w . s a m a r k a n d . u z

ЯНГИ МАРКАЗ ТАДБИРКОРЛАРГА ЯНАДА КЕНГ ИМКОНИЯТ ЯРАТМОҚДА

ЯНГИ МАРКАЗ ТАДБИРКОРЛАРГА ЯНАДА КЕНГ ИМКОНИЯТ ЯРАТМОҚДА

Тадбиркорларнинг фаоллигини ошириш, уларнинг ҳуқуқи ва қонуний манфаатларини ишончли ҳимоя қилиш, бузилган ҳуқуқларини тиклаш ҳамда фаолият кўрсатмаётган корхоналар фаолиятини соғломлаштириш ва молиявий барқарор ишлашини таъминлаш мақсадида Самарқанд шаҳар прокуратурасида “Тадбиркорларни ҳуқуқий ҳимоя қилиш маркази” ташкил этилди.

Марказ учун алоҳида хона ажратилиб, замонавий мебель жиҳозлари, компьютер техникалари билан таъминланди. Бу ерга ташриф буюрган тадбиркор ўз ҳақ-ҳуқуқини ҳимоя қилишга қаратилган янги қонун-қоидалар, юртимизда амалга оширилаётган ислоҳот ва янгиликлар билан танишиш имконига эга бўлади.

Бундан ташқари, тадбиркорлик фаолиятини ривожлантиришнинг ҳуқуқий асослари, солиқ қонунчилигидаги ўзгаришлар, шаҳарда фаолият олиб бораётган корхоналар, тадбиркорлик субъектлари фаолияти ҳақида ҳам маълумотлар олиши мумкин.

Қолаверса, тадбиркорларга берилган имтиёз ва преференциялардан фойдаланиш, кредит олиш ҳамда ҳуқуқий саводхонликларини ошириш, ҳақ-ҳуқуқлари бузилганда кимга ва қай тартибда мурожаат қилиш борасида маслаҳатлар берилиб, амалий ёрдамлар кўрсатиляпти.

Марказ фаолият бошлаган дастлабки кунлардаёқ хусусий сектор вакилларига ҳар томонлама кўмак берила бошланди. Яъни, уларнинг 90 нафарига ҳуқуқий маслаҳатлар берилган бўлса, 58 нафарига давлат рўйхатидан ўтишда, 12 нафарига биноларни ижарага олишда, 5 нафарига кредит ажратилишида, 2 нафарига рухсатномалар берилишида ва 4 нафарига муҳандислик коммуникацияларга уланишида амалий ёрдам кўрсатилди.

Азим Сатторов,Самарқанд шаҳар прокурори ўринбосари


Киритилган вақти: 05/05/2016 18:30.   Кўрилганлиги: 395
 
Материал манзили: https://samarkand.uz/press/news/yangi-markaz-tadbirkorlarga-yanada-keng-imkoniyat-yaratmoqda

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 6

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг