Олдин хабар берганимиздек, жорий йилнинг 19-21 февраль кунлари Самарқанд давлат тиббиёт институтининг 2-сон клиникаси (Болалар хирургия маркази)да Н.И.Пирогов номидаги Россия миллий тадқиқотлар тиббиёт университети профессорлари И.Бабанин ва В.Шаруновлар томонидан тиббий кўрик ташкил этилди.

Унда катта ёшдаги эркаклар ва ўғил болаларда учрайдиган урологик касалликлар бўйича 40 нафарга яқин беморга юқори малакали тиббий xизмат кўрсатилиб, бепул тиббий маслаҳат ва тавсиялар берилди. Профессорлар томонидан 8 нафар беморда замонавий малоинвазив (эндоскопик) усулларда жарроҳлик амалиётлари ўтказилди.

Шунингдек, хорижлик тажрибали шифокорлар самарқандлик маҳаллий врачлар учун жарроҳлик маҳорат дарсларини ҳам ўтаб беришди.