Хитой Халқ Республикасининг Ўзбекистондаги фавқулодда ва мухтор элчиси Цзянь Янь хоним бошчилигидаги делегация жорий йилнинг 11 март куни Самарқандга ташриф буюрди. Бугун, 12 март куни ташриф дастури доирасида вилоят ҳокимлигида учрашув бўлиб ўтди.

Учрашувда вилоятга тўғридан-тўғри инвестицияларини жалб қилиш, Пахтачи ва Қўшработ туманларида қурилиш саноати, чорвачилик, паррандачилик ҳамда боғдорчилик йўналишлари бўйича музокаралар олиб борилди. Шунингдек, келгусида Самарқанд делегациясининг Хитой Халқ Республикасига кутилаётган ташрифи доирасидаги масалалар ҳам учрашувда муҳокама этилди.