Хитой ижтимоий фанлар академиясининг Россия, Шарқий Европа ва Марказий Осиё институти делегацияси Ўзбекистонга ташриф буюрди.

Бу ҳақда “Юксалиш” умуммиллий ҳаракати матбуот хизматига асосланиб Zarnews.uz хабар берди.

Шу кунларда ХХР вакиллари Самарқанд шаҳридаги “Ипак йўли” туризм университети фаолияти билан танишишди. Жумладан, делегация аъзолари ва таълим муасссаси вакиллари ўртасида учрашув бўлиб ўтди. Учрашувда ўқув ишлари бўйича ректор ўринбосари Баходир Туроев меҳмонларга университет фаолияти ҳамда ўқув жараёнларининг бориши ҳақида батафсил маълумот берилди.

Шунингдек, меҳмонлар бир қатор маҳалла фуқаролар йиғинларига ташриф буюриб, маҳаллий аҳоли билан мулоқотда бўлдилар. Хусусан, “Регистон юлдузи” нодавлат мактабгача таълим муассасаси фаолияти билан танишишди.