Самарқанд чой қадоқлаш фабрикасида чойнинг янги турларини қадоқлаш йўлга қўйилди. Маркетинг ва муҳандисларнинг бозорни, истеъмолчилар эҳтиёжини ўрганиши, мавжуд имкониятлардан унумли фойдаланиши натижасида эса бу ерда йигирмага яқин иш ўрни яратилди.

– Айни пайтда корхонамиз ишчи-хизматчилари 426 нафарни ташкил этмоқда, – дейди корхонанинг Самарқанд филиали директори Абдусалом Раҳимов. – Ўтаётган йилда 30 га яқин янги чой турларини ўзлаштирдик. Ҳозирги кунда ишлаб чиқарилаётган жасминли, қулупнайли, лимонли ва яна бошқа турдаги маҳсулотларимиз хушбўйлиги ва ўзгача таъми билан истеъмолчилар эътиборини тортмоқда.