Самарқанд вилояти ҳокимлиги w w w . s a m a r k a n d . u z

Ҳар бир мурожаат ортида инсон тақдири турибди

Ҳар бир мурожаат ортида инсон тақдири турибди

Бош вазирнинг виртуал қабулхонасига тушаётган мурожаатлар ўз ечимини топмоқда Ўзбекистон ҳукумати порталида очилган Бош вазирнинг виртуал қабулхонаси (pm.gov.uz) орқали вилоятимиз аҳолиси томонидан ҳам кундалик ҳаётда учраётган турли муаммо ва шикоятлар, таклиф ва аризалар билан тўғридан-тўғри Бош вазирга мурожаат қилмоқда.

– 11 йилдан буён текстил соҳасида ишлайман. Нарпай туманида бир кунда 10 тонна қувватга эга ип-йигирув фабрикаси қуриш учун жой ажратиб беришингизни сўрайман. Мазкур лойиҳани амалга ошириш учун банк кредити ҳисобидан Швейцариянинг ип-йигирув ускуналари ишлаб чиқарувчи "РЕЙТР" фирмасидан дастгоҳларни олиб келишни мўлжаллаб турибмиз.

Абдували Маҳмадуллаевнинг ушбу мурожаати юзасидан тумандаги бўш турган бино ва иншоотлар жойида ўрганиб чиқилди. Ташаббускорнинг розилиги билан туман ҳудудидаги "Сув иншоот қурилиш" корхонасининг бўш турган бинолари белгиланган тартибда ажратилиб, бугунги кунда тегишли ҳужжатлар тайёрланмоқда.

– Мен Самарқанд туманидаги Чаман маҳалласида истиқомат қилувчи Толиб Ҳотамов бўламан. 2016 йилнинг июнь ойи ўрталарида вилоят ҳокимлиги танлов комиссияси томонидан ўтказилган танлов савдоларида иштирок этиб, Самарқанд туманидаги 22-сонли ер участкасига даъвогар бўлиб иштирок этдим ва ғолиб чиқдим. Шундан сўнг туман ҳокимининг қарори билан менга тумандаги "Наврўз агротехсервис" агрофирмасига қарашли Талибарзу маҳалласи ҳудудидан тикувчилик цехи қуриш учун 800 метр квадрат қишлоқ хўжалигида фойдаланмайдиган ер майдони ажратиб берилиши белгиланди.

Туман ҳокимлигининг мутасаддилари билан танловга қўйилган ер майдонини ўлчаб олиш учун жойига чиққанимизда, "Ансор Худоёр боғлари" фермер хўжалиги раиси Р.Асадов ўша ерни ўзбошимчалик билан эгаллаб олганига гувоҳ бўлдик. Ерни олиш учун қилаётган барча ҳаракатларим беҳуда кетяпти...

Ушбу масала туман ҳокимлиги мутахассисларидан иборат ишчи гуруҳи томонидан ўрганиб чиқилиб, қисқа вақтда ҳал этилди. Т.Ҳота­мовга Талибарзу маҳалласи ҳудудидан танловга қўйилган 800 метр квадрат ер майдони ўлчаб берилди.

Каттақўрғон тумани Ойжон маҳалласида яшовчи Ҳусниддин Йўлдошев ҳам Бош вазирнинг виртуал қабулхонасига балиқчилик фаолияти билан шуғулланиш учун баъзи ташкилотлар ўртасида сарсон бўлаётганини маълум қилган. Унинг мурожаатида кўрсатилган важ бўйича вилоят ҳокимлиги, шунингдек, тегишли бошқарма ва ташкилотлар ўртасида ўз ечимини топди.

– Ўзим ҳам, аёлим ҳам болаликдан ногиронмиз, – деб ёзади Ургут тумани Юқори Бешкапа маҳалласидан В.Самадов. – Фарзандларимиз бор. Уйимизнинг томидан томчи ўтаяпти. Бизга моддий ёрдам кўрсатсангиз.

Мурожаат юзасидан Ургут туман ҳокимлиги мутасаддилари ўрганиш олиб борди. В.Самадов уйининг том қисмини ёпиш учун ҳомийлар ҳисобидан қурилиш материаллари олиниб, таъмирлаш ишлари бошланган.


Киритилган вақти: 28/10/2016 19:26.   Кўрилганлиги: 557
 
Материал манзили: https://samarkand.uz/press/news/virtualll

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 4

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг