Ўзбекистон Журналистлари ижодий уюшмаси вилоят бўлими бошқарув ҳайъатининг йиғилиши бўлиб ўтди.

Йиғилишда 27 июнь – Матбуот ва оммавий ахборот воситалари ходимлари куни муносабати билан “Йилнинг энг фаол журналисти-2015” вилоят танлови якунлари кўриб чиқилди.

Унга кўра қуйидагилар танлов ғолиблари деб топилди: 

Матбуот йўналишида

Абдуғофур Шерхолов – вилоят “Зарафшон” ва “Самаркандский вестник” газеталари бирлашган таҳририяти мухбири.

Мамлакатимиз, хусусан, вилоятимизда амалга оширилаётган ижтимоий-иқтисодий ислоҳотлар, аҳоли онгу тафаккури, турмуш тарзидаги ўзгаришлар акс этган таҳлилий мақолалари учун;

Дилрабо Камолова – Тайлоқ тумани “Қўшчинор” газетаси мухбири.

“Соғлом она ва бола йили” Давлат дастури ижроси юзасидан олиб борилаётган ишлар ҳақидаги ва ота-онанинг фарзанд тарбиясидаги масъулияти, оиладаги турли муносабатларга оид таҳлилий-танқидий мақолалари учун;

Асқар Баратов – Самарқанд шаҳар “Самарқанд” газетаси мухбири.

Самарқанд шаҳрида амалга оширилаётган ижтимоий-иқтисодий ислоҳотлар, ҳудуддаги ўзгаришлар спорт ва соғломлаштириш, маҳаллалар ҳаёти  акс этган таҳлилий мақолалари учун. 

Телевидение йўналишида

Дилмурод Исматов – вилоят  телерадиокомпанияси бошқарув аппарати директори ўринбосари.

Ижтимоий-иқтисодий, сиёсий, маънавий-маърифий ҳамда бошқа долзарб мавзулардаги кўрсатувлари учун;

Шаҳбоз Назаров – “Самарқанд телевидениеси” масъулияти чекланган жамияти (СТВ телеканали) мухбири.

Маънавий-маърифий, ижтимоий-сиёсий ҳамда бошқа долзарб мавзулардаги кўрсатувлари учун.

Радио йўналишида:

Зилола Пирназарова – вилоят телерадиокомпанияси радиоэшиттириш гуруҳи мухбири.

Давлат ва ҳудудий дастурлар ижроси юзасидан олиб борилаётган ишлар ҳамда маънавий-маърифий соҳалар, жойлардаги ободонлаштириш ва бунёдкорлик ишлари ҳақидаги радиоэшиттиришлари учун. 

Фотожурналистика йўналишида:

Турғунбой Ҳасанов – Пайариқ тумани “Пайариқ ҳаёти” газетаси мухбири.

Пайариқ туманида олиб борилаётган ободонлаштириш ва бунёдкорлик ишлари, ҳудудий дастурлар ижроси акс этган фото материаллари учун.