Самарқанд вилояти ҳокимлиги w w w . s a m a r k a n d . u z

ВАТАН ҲИМОЯЧИЛАРИ КУНИ ОЛДИДАН ТЕЛЕМУЛОҚОТ УЮШТИРИЛДИ

ВАТАН ҲИМОЯЧИЛАРИ КУНИ ОЛДИДАН ТЕЛЕМУЛОҚОТ УЮШТИРИЛДИ

Самарқанд давлат архитектура-қурилиш институтида Ватан ҳимоячилари куни олдидан “Менинг ўғлим – Ватан ҳимоячиси” деб номланган байрам тадбири ўтказилди.

Вилоят ҳокимлиги томонидан ташкил этилган мазкур тадбирда Хоразм вилоятида йигитлик бурчини ўтаётган аскарларнинг ота-оналари ва Хоразмдан Самарқандга келиб, ҳарбий хизматни ўтаётган аскарлар иштирок этишди. Махсус теле-кўприк орқали ота-оналар фарзандлари билан мулоқот қилишди.

– Бугун ҳарбий хизматдаги ўғлим билан теле-кўприк орқали дийдорлашдик, уни Ватан ҳимоячилари куни билан табрикладим. Қувончимнинг чеки йўқ. Энг асосийси, аскар болаларимиз учун ташкил этилган мана шундай байрам тадбирлари биз, ота-оналарни беҳад хурсанд қилди, – дейди Самарқанд шаҳрида истиқомат қилувчи Хадича Раббонова. – Бунинг учун, албатта, тадбир ташкилотчиларидан миннатдормиз.

– Самарқанд ҳарбий гарнизонидаги ҳарбий қисмда хизмат қиламан, – дейди аскар Достон Собиров. – Ҳарбий хизмат йигит кишини тоблайди. Ота-она, яқинлар соғинчи аскар учун оғир синов эмас. Аммо ота-оналаримизнинг биз учун яратилган шароитлар ва байрам тадбирларини кўриб хотиржам бўлишлари кўнгилни тоғдек кўтарар экан.

Тадбир таниқли хонандалар ижросидаги куй-қўшиқлар, аскар ва ота-оналарнинг ўйин-кулгиларига уланиб кетди.


Киритилган вақти: 08/01/2015 16:25.   Кўрилганлиги: 733
 
Материал манзили: https://samarkand.uz/press/news/vatan-himoyachilari-kuni-oldidan-telemuloqot-uyushtirildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 11

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг