Самарқанд вилояти ҳокимлиги w w w . s a m a r k a n d . u z

Ватан фидойиларига садоқатли фарзанд бўламиз

Ватан фидойиларига садоқатли фарзанд бўламиз

Самарқанд шаҳридаги Ўзбекистон маданияти тарихи давлат музейида ана шу мавзуда маънавий-маърифий тадбир бўлиб ўтди.


Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси, ёшлар иттифоқи ҳамда «Шаҳидлар хотираси» жамоат фонди вилоят бўлимлари ҳамкорлигида ташкил этилган тадбирда меҳнат фахрийлари, маҳалла фуқаролар йиғинлари фаоллари ҳамда ёшлар иштирок этди.

«Нуроний» жамғармаси вилоят бўлими раиси Ҳ.Нормуродов, «Шаҳидлар хотираси» жамоат фонди вилоят бўлими раҳбари С.Каримов, меҳнат фахрийси Б.Нодиров ва бошқалар мустақиллигимизни мустаҳкамлаш, халқимиз фаровонлигини, юртимиз тинчлигини таъминлаш йўлида шаҳид кетган юртдошларимизнинг мардлиги, жасорати ҳақида йиғилганларга сўзлаб берди.

Таъкидландики, юрт ҳимояси йўлида жон фидо қилган ўғлонларимизнинг Ватан олдидаги хизматларини ёд этиш, кўрсатган қаҳрамонликларини ёшларимиз онгига сингдириш, уларнинг порлоқ хотирасини абадийлаштириш борасида мамлакатимизда ибратли ишлар амалга оширилмоқда. Ватан озодлиги учун курашган аждодларимиз тарихи, уларнинг ҳаёт йўли ҳақида илмий тадқиқотлар амалга оширилаётир. Жумладан, самарқандлик маърифатпарвар Сайид Ризо Ализода таваллудининг 130 йиллиги бу йил юртимизда кенг нишонланмоқда.

- Ўғлим Сайёр мамлакатимиз чегараларини бузиб кириб, халқимиз осойишталигига раҳна солиш ниятида бўлган жангариларга қарши курашда ҳалок бўлди, - дейди Р.Саъдинова. - Аммо меҳр-оқибатли халқимиз, ғамхўр раҳбарларимиз бор экан, фарзандимнинг матонати, енгилмас иродаси ҳақидаги хотиралар ёдга олиняпти. Унинг юрт олдидаги хизматлари, она Ватанга содиқлиги ёшларга ибрат қилиб кўрсатилмоқда.

Тадбирда бугунги тинч-осойишта кунларни кўз қорачиғидек асраб-авайлаш, амалга оширилаётган ислоҳотларнинг мазмун-моҳиятини чуқур англашлозимлиги уқтирилди.



Киритилган вақти: 30/09/2017 09:46.   Кўрилганлиги: 248
 
Материал манзили: https://samarkand.uz/press/news/vatan-fidoyilariga-sadoqatli-farzand-bolamiz

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 12

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг