Ўрта махсус, касб-ҳунар таълими тизимида меҳнат қилаётган ўқитувчи ва ишчи-ходимлар ўртасида биринчи марта ўтказилган спорт мусобақаларининг вилоят босқичи ниҳоясига етди.

Устозлар спортнинг футбол, волейбол, баскетбол, стол тенниси, қўл тўпи ва шахмат турлари бўйича ўзаро куч синашдилар.

Таълим муассасалари ходимларининг саломатлигини мустаҳкамлаш, уларни спортга кенг жалб этиш ва шу орқали ёшларга ибрат кўрсатиш мақсад қилинган бундай беллашувлар энди анъанавий тарзда ўтказиладиган бўлди.

Мусобақалар якунида Сиёб тиббиёт коллежи жамоаси энг кучли, деб топилди. Кейинги ўринлар Самарқанд педагогика ва хизмат кўрсатиш ҳамда Самарқанд темир йўл транспорти касб-ҳунар коллежлари ўқитувчиларига насиб этди.