Ургут туманининг 10 та маҳалласида яна 10 та оилавий нодавлат мактабгача таълим муассасаси ташкил этилиб жорий йилнинг 6 июль куни иш фаолиятини бошлади.

Жумладан, Мирзақишлоқ маҳалласида “Нурли келажак”, Ўрамас маҳалласида “Дилшода”, Мангитобод маҳалласида “Фародес”, Украч маҳалласида “Дурдонабону”, Бунёдкор маҳалласида “Муслима”, Мазортепа маҳалласида “Ҳамза она”, Санчиқул маҳалласида “Аширбиби”, Узун маҳалласида “Камалак”, Жартепа маҳалласида “Темиршоҳ Тўмарис”, Юқори Санчиқул маҳалласида “Бенафша” номли мактабгача таълим муассасаларининг ҳар бирига 25 нафардан болажонлар қамраб олинди.

Аҳамиятлиси мазкур муассасаларга ургутлик 250 нафар болажонлар қабул қилиниши билан бирга, 22 нафар хотин-қизларнинг бандлиги таъминланди.