Мамлакатимизда ижтимоий ҳимояга муҳтож аҳолини моддий ва маънавий қўллаб-қувватлаш, жамиятда ўзаро ҳамжиҳатлик, бағрикенглик ва хайр-саховат муҳитини янада мустаҳкамлаш борасида кенг кўламли ишлар амалга оширилиб келинмоқда.

Эзгу ишлар вилоятимиз туман ва шаҳарларида ҳам давом эттирилмоқда.

Ургут туманидаги “Истироҳат боғи”да туман ҳокимлиги ва ташаббускор тадбиркорлар кўмаги билан 64 нафар ижтимоий ҳимояга муҳтож, кам таъминланган оилаларнинг фарзандларини суннат ҳамда 4 нафар келин-куёвларнинг никоҳ тўйлари нишонланди. 
Бундан ташқари тадбир давомида 10 нафар имконияти чекланган ногиронларга ногиронлик аравачаси топширилди.
Тўйда болаларнинг ота-оналари, қариндош-уруғлари, маҳалла фаоллари, меҳнат фахрийлари ва кенг жамоатчилик вакиллари иштирок этишди.
Тўй болалар ва келин-куёвларга ҳокимлик, ҳомий ташкилотларнинг совғалари ва турли мавзулардаги китоблар тўплами тантанали равишда топширилди.
Санъаткорларнинг наволари даврага ўзгача файз, болалар, келин-куёвлар ва уларнинг оила аъзоларига олам-олам завқ бағишлади.