Ургут туманида фаолият кўрсатаётган “Ургут ҳаракат” масъулияти чекланган жамиятида эркаклар ва аёллар учун кийим-кечаклар ишлаб чиқарилмоқда.

–2015 йилдан корхонамизда эркаклар ва аёллар миллий кийим-кечакларини саноат усулида ишлаб чиқаришни йўлга қўйдик, – дейди жамият раҳбари Аслиддин Асроров.– Ўтган йили “Ҳамкорбанк”дан олинган 450 миллион сўмлик кредит эвазига хомашё ва замонавий дастгоҳлар харид қилдик.

Илгари бир кунда ўртача 30-40 та маҳсулот ишлаб чиқарган бўлсак, ҳозирда бу рақам 100 тага етди. Ўтган йили ички бозорга 850 миллион сўмлик, экспортга 41 минг долларлик маҳсулот чиқардик. Ишчиларимиз 10 нафарга етди.

2018 йилда макровельвет (велюр) матосини ишлаб чиқаришни йўлга қўйишни режалаштиряпмиз.

Бахтиёр Мустанов.