Самарқанд вилояти ҳокимлиги w w w . s a m a r k a n d . u z

Туризмга оид муаммолар муҳокама этилди

Туризмга оид муаммолар муҳокама этилди

Самарқанд шаҳрида Ўзбекистон Республикаси Туризмни ривожлантириш давлат қўмитаси томонидан Президентимизнинг 2016 йил 2 декабрдаги «Ўзбекистон Республикасининг туризм соҳасини жадал ривожлантиришни таъминлаш чора-тадбирлари тўғрисида»ги фармони мазмун-моҳияти ҳамда унинг ижросини таъминлашнинг устувор вазифаларига бағишланган йиғилиш ўтказилди.

Тадбирда хусусий сайёҳлик фирмалари ва меҳмонхоналар вакиллари, соҳа бўйича етакчи олимлар ҳамда мутахассислар иштирок этди. Туризмни ривожлантириш давлат қўмитаси раиси А.Шарапов, вилоят ҳокимининг биринчи ўринбосари Ш.Худойбердиев, Самарқанд шаҳар ҳокими А.Шукуров ва бошқалар мамлакат иқтисодиётининг стратегик тармоғи сифатида туризмни жадал ривожлантириш учун қулай иқтисодий ва ташкилий-ҳуқуқий шарт-шароитлар яратиш, ҳудудларнинг улкан туризм салоҳиятидан янада тўлиқ ва самарали фойдаланиш, туризм тармоғини бошқаришни тубдан такомиллаштириш, миллий туризм маҳсулотлари яратиш ва уларни жаҳон бозорларида тарғиб қилиш, туризм соҳасида Ўзбекистон қиёфасини шакллантириш масалаларига тўхталдилар.

Тадбирга йиғилганлар 2017−2021 йилларда туризм соҳасини ривожлантириш концепциясининг дастлабки лойиҳаси билан таништирилди. Туризмни ривожлантириш бўйича иштирокчиларнинг таклиф ва мулоҳазалари тингланди.

Абдуғофур ШЕРХОЛОВ.



Киритилган вақти: 19/01/2017 17:25.   Кўрилганлиги: 442
 
Материал манзили: https://samarkand.uz/press/news/turizm

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 1

Яндекс.Метрика

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.

 
Ўқиш учун ушбу тугмани босинг